நீங்கள் தேடியது "நகை பணம் கொள்ளை"

ராஜபாளையம்

விருதுநகர் மாவட்டம் ராஜபாளையம் அருகே உள்ள கிழவிக்குளத்தை சேர்ந்தவர் கடற்கரை (வயது44). இவர் குடும்பத்து டன் ராஜபாளையத்தில் வசித்து வருகிறார். இதன் காரணமாக கிழவிக்கு ளத்தில் உள்ள வீடு பெரும் பாலான நேரம் பூட்டியே கிடக்கும்.

ஆயுத பூஜைக்கு கிழவிக் குளத்திற்கு சென்ற கடற்கரை அங்கு பூஜை செய்து விட்டு வீட்டை பூட்டிவிட்டு மீண்டும் ராஜபாளையத்திற்கு வந்து விட்டார். வீடு பூட்டிக் கிடப்பதை நோட்டமிட்ட மர்ம நபர்கள் சம்பவத்தன்று வீட்டின் கதவை உடைத்து உள்ளே புகுந்தனர். பின்னர் அங்குள்ள அலமாரியில் வைக்கப்பட்டிருந்த ரூ.1 லட்சத்து 30 ஆயிரம் மதிப்புள்ள நகை, ரூ.5 ஆயிரம் ரொக்கம் ஆகியவற்றை திருடிக்கொண்டு தப்பினர்.

இந்த நிலையில் நேற்று கிழவிக்குளம் சென்ற கடற்கரை வீட்டின் கதவு உடைக்கப்பட்டிருப்பதை கண்டு அதிர்ச்சியடைந்தார். உள்ளே சென்று பார்த்த போது நகை, பணம் திருடு போயிருந்தது. இதுகுறித்து அவர் கீழராஜகுலராமன் போலீசில் புகார் செய்தார். சப்-இன்ஸ்பெக்டர் லவகுசா வழக்குப்பதிவு செய்து மர்ம நபர்களை தேடி வருகிறார்.

மதுரை

மதுரை அவனி யாபுரத்தை அடுத்துள்ள பெருங்குடி பேராசிரியர் அன்பழகன் நகரை சேர்ந்தவர் ராபின்சன். இவரது மகன் பிரின்ஸ் ரிச்சர்ட்சன் (வயது34). இவர் பெங்களூரில் உள்ள மத்திய அமலாக்கத்துறை அலுவலகத்தில் அலு வலராக பணியாற்றி வருகிறார்.

பெருங்குடியில் உள்ள வீட்டில் இருந்த அவரது தாயார் சில நாட்களுக்கு மன்பு வீட்டை பூட்டிவிட்டு மகனை பார்க்க பெங்களூர் சென்று விட்டார். இந்த சந்தர்ப்பத்தை பயன் படுத்திக்கொண்ட மர்ம நபர்கள் நள்ளிரவு நேரத்தில் வீட்டின் கதவை உடைத்து உள்ளே புகுந்தனர். பின்னர் பீரோவை உடைத்த மர்ம நபர்கள் 25 பவுன் நகை மற்றும் பணத்தை திருடிக்கொண்டு தப்பினர்.

இந்த நிலையில் ஊர் திரும்பிய பிரின்ஸ் ரிச்சர்ட்சன் தாயார் கதவு உடைக்கப்பட்டு நகை, பணம் திருடு போயிருப்பது கண்டு அதிர்ச்சியடைந்தார். இதுகுறித்து அவனியாபுரம் போலீசில் புகார் செய்யப்பட்டது. போலீசார் சம்பவ இடத்திற்கு விரைந்து வந்து விசாரணை நடத்தினர். தடயங்கள் சேகரிக்கப்பட்டன.

கொள்ளை குறித்து வழக்குப்பதிவு செய்த போலீசார் மர்ம நபர்களை தேடி வருகின்றனர்.

கன்னியாகுமரி :

கன்னியாகுமரி அருகே உள்ள பழத்தோட்டம் பகுதியில் முருகன்குன்றத்தில் வேல்முருகன் கோவில் உள்ளது. இந்தக் கோவிலில் தினமும் காலை நடை திறக்கப்பட்டு வழிபாடுகள் நடத்தப்படுவது வழக்கம்.

இந்தக் கோவிலில் வெள்ளி மற்றும் முக்கிய தினங்களில் பக்தர்கள் அதிக அளவு வருவது உண்டு. அப்போது அன்னதானம் வழங்கப்படும். பக்தர்கள் பாதுகாப்புக்காக கோவிலில் கண்காணிப்பு காமிராக்களும் பொருத்தப்பட்டுள்ளன.

நேற்று மாலை பூசாரி, கோவிலில் பூஜைகள் முடிந்ததும் கதவை பூட்டிச் சென்றார். அதன்பிறகு இன்று காலை அவர் வழக்கம் போல் கோவிலை திறக்க வந்தார். அப்போது கோவில் வாசலில் கண்காணிப்பு காமிராக்கள் உடைந்து கிடந்துள்ளது. இதனை கண்டு அதிர்ச்சி அடைந்த அவர், கோவிலுக்குள் சென்றார்.

அங்கு அன்னதானத்திற்காக பக்தர்கள் காணிக்கை செலுத்த வைத்திருந்த உண்டியல் உடைந்து கிடந்தது. எனவே கோவிலுக்குள் யாரோ புகுந்து கைவரிசை காட்டியிருப்பது தெரியவந்தது. இதுகுறித்து கோவில் நிர்வாகத்தினருக்கு அவர் தகவல் கொடுத்தார்.

அவர்கள் கோவிலுக்கு வந்து பார்வையிட்டனர். கோவிலை சுற்றி வந்து பார்த்தபோது, அங்குள்ள புவனேசுவரி அம்மன் கழுத்தில் கிடந்த 2 கிராம் எடை கொண்ட தங்கத் தாலியும் மாயமாகி இருந்தது தெரிய வந்தது. மேலும் கோவிலின் வேல் மண்டபத்தில் இருந்த வேல்களை திருட முயற்சி நடந்திருப்பதும் கண்டுபிடிக்கப்பட்டது.

இந்த சம்பவம் குறித்து கன்னியாகுமரி போலீசில் புகார் செய்யப்பட்டது. அதன்பேரில் போலீசார் சம்பவ இடம் விரைந்து வந்து விசாரணை நடத்தினர். தடயவியல் நிபுணர்கள் வரவழைக்கப்பட்டு கைரேகைகள் பதிவு செய்யப்பட்டன. தொடர்ந்து சி.சி.டி.வி. காமிராவில் பதிவாகி இருந்த காட்சிகளை கைப்பற்றி போலீசார ஆய்வு செய்தனர். அதில் மர்ம நபர் ஓருவன், கோவிலுக்குள் நடமாடும் காட்சி பதிவாகி இருந்தது. அவன் தான் கொள்ளை சம்பவத்தில் ஈடுபட்டு இருக்கலாம் என்றும் அவன் கோவிலுக்குள் சுவர் ஏறி குதித்து வந்திருக்கலாம் என்றும் போலீசார் கருதுகின்றனர். காமிராவில் பதிவான உருவத்தை, பழைய குற்றவாளிகளின் படத்துடன் ஓப்பிட்டு போலீசார் விசாரணை நடத்தி வருகின்றனர்.

கோவிலுக்குள் மர்ம நபர் புகுந்து நகை-பணத்தை கொள்ளையடித்துச் சென்ற சம்பவம் அந்தப் பகுதியில் பரபரப்பை ஏற்படுத்தி உள்ளது.

வேடசந்தூர்:

திண்டுக்கல் மாவட்டம் வேடசந்தூர் அருகே உள்ள தம்மணம்பட்டியை சேர்ந்தவர் விஜயபாஸ்கர். இவர் அரவக்குறிச்சி தமிழ்நாடு கிராம வங்கியில் மேலாளராக பணியாற்றி வருகிறார். இவரது மனைவி தீபா. இவர்களுக்கு 2 குழந்தைகள் உள்ளனர்.

விஜயபாஸ்கர் மற்றும் அவரது குடும்பத்தினர் நேற்று இரவு சாப்பிட்டுவிட்டு வீட்டின் மேல்தளத்தில் தூங்கச்சென்றுவிட்டனர். இந்நிலையில் மர்மநபர்கள் பின்பக்கமாக உள்ளே நுழைந்து முன்பக்க கதவை உடைத்தனர். பின்னர் பீரோவை உடைத்து அதிலிருந்த 12 பவுன் நகை, ரூ.5ஆயிரம் ரொக்க பணத்தை திருடிச்சென்ற னர்.

காலையில் எழுந்து கீழே வந்து பார்த்தபோது வீடு திறந்து கிடப்பதை கண்டும், பீரோவில் இருந்த நகை, பணம் கொள்ளைபோனது கண்டும் அதிர்ச்சி அடைந்தனர். இதுகுறித்து வேடசந்தூர் போலீசாருக்கு தகவல் தெரிவிக்கப்பட்டது. போலீசார் சம்பவஇடத்திற்கு வந்து விசாரணை மேற்கொ ண்டனர். கைரேகை நிபுண ர்கள் வரவழைக்கப்பட்டும் விசாரணை நடத்தப்பட்டது.

இச்சம்பவம் வேட சந்தூரில் பரபரப்பை ஏற்படுத்தி உள்ளது.

ஸ்ரீவில்லிபுத்தூர்

விருதுநகர் மாவட்டம் ஸ்ரீவில்லிபுத்தூர் அருகே உள்ள வலையப்பட்டியை சேர்ந்தவர் சந்தானமுத்து. லாரி டிரைவர். இவரது மனைவி பொன்மணி (வயது35). இவர் அதே பகுதியில் உள்ள நூற்பாலையில் வேலை பார்த்து வருகிறார். இவர்களது மகள் அங்குள்ள பள்ளியில் படித்து வருகிறார்.

சில நாட்களுக்கு முன்பு சாந்தான முத்து வெளியூர் சென்று விட்டார். இந்த நிலையில் நேற்று காலை மகள் வழக்கம் போல் பள்ளிக்கு சென்று விட்டார். சிறிது நேரத்தில் வீட்டை பூட்டி விட்டு பொன்மணியும் வேலைக்கு சென்று விட்டார். இதை நோட்டமிட்ட மர்ம நபர்கள் வீட்டின் கதவை திறந்து உள்ளே புகுந்தனர். பின்னர் பீரோவை திறந்து அதிலிருந்த 8 பவுன் நகை, ரூ.50 ஆயிரம் ரொக்கம் ஆகியவற்றை திருடி கொண்டு தப்பினர். மாலையில் வேலை முடித்து வீட்டுக்கு வந்த பொன்மணி கதவு திறந்து கிடப்பதை கண்டு அதிர்ச்சி யடைந்தார். உள்ளே சென்று பார்த்த போது நகை, பணம் திருடு போயிருந்தது. இதுகுறித்த புகாரின் பேரில் கிருஷ்ணன் கோவில் போலீசார் வழக்குப்பதிவு செய்து மர்ம நபர்களை தேடி வருகின்றனர்.

விருதுநகர்

விருதுநகர் மாவட்டம் விருதுநகர், சாத்தூர், அருப்புக் கோட்டை, சிவகாசி உள்ளிட்ட பல்வேறு பகுதிகளில் இருந்து நாள்தோறும் வெளியூர்க ளுக்கு ஏராளமானோர் அரசு பஸ்சில் வேலைக்கு சென்று வருகின்றனர். மாணவ, மாணவிகளும் பள்ளி, கல்லூரிகளுக்கு செல்ல அரசு பஸ்சை பயன்படுத்தி வருகின்றனர்.

இதன் காரணமாக காலை மற்றும் மாலை நேரங்களில் விருதுநகர் அரசு பஸ்களில் பயணிகள் கூட்டம் அலை மோதும். இதனை பயன்படுத்தி மர்ம நபர்கள், பெண்கள் மற்றும் வயதானவர்களிடம் நகை, பணத்தை நைசாக திருடி செல்வது நடந்து வருகிறது.கடந்த சில மாதங்களாக இந்த சம்பவம் விருதுநகர் வழித்த டத்தில் அதிகரித்துள்ளது.

காரியாபட்டி அருகே உள்ள மல்லாங்கிணறு திருப்பதி நகரை சேர்ந்தவர் முத்துநல்லு. இவரது மனைவி மாரித்தாய். இவர் சம்பவத்தன்று காரியா பட்டியில் இருந்து விருதுநகர் செல்லும் அரசு பஸ்சில் ஏறினார். கூட்டம் அதிகமாக இருந்ததால் மாரித்தாய் நின்று கொண்டே பயணம் செய்தார்.

அப்போது அவர் அருகே பர்தா அணிந்திருந்த2 பெண்கள் அடிக்கடி உரசியபடி இருந்ததாக கூறப்படுகிறது. பின்னர் அவர்கள் நடுவழியில் இறங்கி விட்டனர். வீட்டிற்கு வந்த மாரித்தாய் தான் வைத்திருந்த பையை பார்த்த போது அதிலிருந்து 2½ பவுன் நகை திருடு போயிருந்தது தெரியவந்தது.

பஸ்சில் அவர் அருகில் நின்றிருந்த பர்தா அணிந்த பெண்கள் திருடியிருக்கலாம் என சந்தேகம் எழுந்தது. இதுகுறித்து மாரித்தாய் விருதுநகர் கிழக்கு போலீசில் புகார் செய்தார். போலீசார் வழக்குப்பதிவு செய்து நகையை திருடியதாக கூறப்படும் 2 பெண்களை தேடி வருகின்றனர்.

கடந்த சில நாட்களுக்கு முன்பு விருதுநகர் சங்கரலிங்க புரத்தை சேர்ந்த சரோஜா (75) என்ற மூதாட்டியிடம் அரசு பஸ்சில் மர்ம பெண் 3 பவுன் நகையை அபேஸ் செய்தார்.

இதே போல் அருப்புக்கோட்டையை சேர்ந்த கல்லூரி மாணவி நந்தினி (18) மாலையில் அரசு பஸ்சில் வீடு திரும்பும் போது கூட்ட நெரிசலை பயன்படுத்தி மர்ம பெண் 1 பவுன் நகையை திருடி சென்றதாக புகார் வந்தது. இதுபோன்று விருதுநகர் மாவட்டத்தில் அரசு பஸ்சில் பயணிப்போர் நகை, பணத்தை இழந்து வருவது தொடர் கதையாக உள்ளது.

குறிப்பாக விருது நகர்-அருப்புக்கோட்டை, சிவகாசி, சாத்தூர், காரியாபட்டி ஆகிய வழித்தடங்களில் மர்ம கும்பல் பயணிகளை குறி வைத்து திருட்டில் ஈடுபடுவது அதிகரித்து உள்ளது. எனவே மாவட்ட போலீசார் கூடுதல் கவனம் செலுத்தி அரசு பஸ்சில் பயணிகளிடம் கைவரிசை காட்டும் கும்பலை பிடிக்க வேண்டும் என கோரிக்கை விடுத்துள்ளனர்.

கோவை,

கோவை மாவட்டம் சேத்துமடை அருகே உள்ள நரிக்கல்பதியை சேர்ந்தவர் ஜெயசந்திரன். இவரது மனைவி மகாதேவி (வயது 38). இவர் சத்துணவு அமைப்பாளராக உள்ளார்.

இவர் தனது வீட்டில் உள்ள பீரோவில் ரூ.40 ஆயிரம் ரொக்க பணம் மற்றும் 2 பவுன் தங்க செயினை வைத்து இருந்தார்.

சம்பவத்தன்று மகாதேவி பீரோவை திறந்து பார்த்த போது அதில் இருந்த ரூ.25 ஆயிரம் ரொக்க பணம் மற்றும் 2 பவுன் தங்க செயின் ஆகியவை கொள்ளை போயிருந்தது.

இதில் அதிர்ச்சியடைந்த அவர் இது குறித்து ஆனைமலை போலீஸ் நிலையத்தில் புகார் செய்தார்.

புகாரின் பேரில் போலீசார் வழக்குப்பதிவு செய்து சத்துணவு அமைப்பாளர் வீட்டில் பணம் மற்றும் நகைகளை கொள்ளையடித்து சென்ற மர்மநபரை தேடி வருகின்றனர்.

கோவை

கோவை சரவணம்பட்டி விளாங்குறிச்சி ரோட்டை சேர்ந்தவர் சஜீத் (வயது40). தனியார் நிறுவன ஊழியர்.

இவர் சம்பவத்தன்று தனது சொந்த ஊரான பாலக்காட்டிற்கு சென்றார். இதனால் வீட்டை பூட்டி சாவியை தந்தையிடம் கொடுத்து விட்டு சென்றார்.

இந்த நிலையில் சஜீத்தின் வீட்டிற்கு அவரது தந்தை சென்றார்.

அப்போது வீட்டின் முன்பக்க கதவு உடைக்கப்பட்டு திறந்து கிடந்தது. இதனை பார்த்து அதிர்ச்சி அடைந்த அவர், அவரது மகன் சஜீத்துக்கு தகவல் தெரிவித்தார்.

தகவல் அறிந்து சம்பவ இடத்திற்கு விரைந்து வந்த சஜித், வீட்டிற்குள் சென்று பார்த்தார். அப்போது வீட்டில் வைக்கப்பட்டிருந்த 7 பவுன் தங்க நகைகள் மற்றும் ரூ.1 லட்சம் பணம் ஆகியவற்றை மர்ம நபர்கள் கொள்ளை அடித்து சென்றது தெரியவந்தது.

இதுகுறித்து அவர் பீளமேடு போலீசாருக்கு தகவல் தெரிவித்தார். புகாரின் பேரில் போலீசார் சம்பவ இடத்துக்கு வந்து விசாரணை நடத்தினர். மேலும் கைரேகை நிபுணர்களும் வரவழைக்கப்பட்டனர். அவர்கள் வீட்டில் பதிவாகி இருந்த கொள்ளையர்களின் கைரேகைகளை பதிவு செய்தனர்.

இதனையடுத்து அந்த பகுதியில் பொருத்தப்பட்டு இருந்த சி.சி.டி.வி காட்சிகளை ஆய்வு செய்து வீட்டின் பூட்டை உடைத்து நகை, பணத்தை திருடி சென்ற கொள்ளையர்களை தேடி வருகின்றனர்.

கோவை,

கோவை சூலூர் அருகே உள்ள கரையாம்பா ளையத்தை சேர்ந்தவர் சரவணகுமார் (வயது 43). தனியார் கல்லூரியில் பேராசிரியராக வேலை பார்த்து வருகிறார்.

நேற்று காலை இவர் தனது வீட்டை பூட்டி விட்டு குடும்பத்துடன் நீலகிரி மாவட்டம் குன்னூரில் உள்ள தனது தோட்டத்துக்கு சென்றார். அப்போது இவரது வீட்டின் முன் பக்க கதவை உடைத்து மர்மநபர்கள் உள்ளே நுழைந்தனர். அவர்கள் அறையில் இருந்த பீரோவை திறந்து அதில் இருந்த செயின், வளையல், மோதிரம் உள்பட 15 பவுன் தங்க நகைகள், ரூ.77,500 ரொக்க பணம் ஆகியவற்றை கொள்ளையடித்து தப்பிச் சென்றனர்.

இரவு வீட்டிற்கு திரும்பிய சரவணகுமார் கதவு உடைக்கப்பட்டு திறந்து இருப்பதை கண்டு அதிர்ச்சியடைந்தார். உள்ளே சென்று பார்த்த போது பீரோவில் இருந்த நகை மற்றும் பணம் கொள்ளை போயிருப்பது தெரியவந்தது. இது குறித்து அவர் சூலூர் போலீசாருக்கு தகவல் தெரிவித்தார். உடனடியாக போலீசார் சம்பவஇடத்துக்கு விரைந்து சென்று விசாரணை நடத்தினர்.

மேலும் சம்பவஇடத்துக்கு கைரேகை நிபுணர்கள் வரவழைக்கப்பட்டனர். அவர்கள் வீட்டில் பதிவாகி இருந்த மர்மநபர்களின் கைரேகைகளை பதிவு செய்தனர். இதனை வைத்து சூலூர் போலீசார் வழக்குப்பதிவு செய்து பட்டப்பகலில் பேராசிரியர் வீட்டின் கதவை உடைத்து 15 பவுன் தங்க நகைகள் மற்றும் ரூ.77,500 ரொக்க பணத்தை கொள்ளையடித்து சென்ற மர்மநபர்களை தேடி வருகிறார்கள்.

மேட்டுப்பாளையம் கொண்டையூர் அருகே உள்ள காமராஜ் நகரை சேர்ந்தவர் முகமது அலி (43). அரசு பஸ் டிரைவர். சம்பவத்தன்று இவர் தனது மனைவி மற்றும் குழந்தைகளை அழைத்துகொண்டு திருப்பூருக்கு சென்றார். அப்போது இவரது வீட்டின் கதவை உடைத்து உள்ளே நுழைந்த மர்மநபர்கள் பீரோவில் இருந்த 1 பவுன் கம்மல், ரூ.25 ஆயிரம் ரொக்க பணம் ஆகியவற்றை கொள்ளையடித்து தப்பிச் சென்றனர். இது குறித்து மேட்டுப்பாளையம் போலீசார் வழக்குப்பதிவு செய்து விசாரணை நடத்தி வருகிறார்கள்.

சேலம்:

சேலம் ஜாகீர் அம்மாபாளையம் காளியம்மன் கோவில் தெருவை சேர்ந்தவர் வெங்கடேசன் (வயது 48) தச்சு தொழிலாளி. வெங்கடேசன் மனைவியை பிரிந்து வாழ்ந்து வருகிறார். இவர்களுக்கு ஒரு மகன் உள்ளார்.

இந்த நிலையில், சம்பவத்தன்று வெங்கடேசன் பழனி கோவிலுக்கு சென்று விட்டு வீடு திரும்பினார். வீட்டை திறந்து பார்த்தபோது, பின் பக்க கதவு உடைக்கப்பட்டு இருப்பதைக் கண்டு அதிர்ச்சி அடைந்தார்.

உள்ளே சென்று பார்த்தபோது, பீரோவில் இருந்த ரூ.2 லட்சம் பணம் மற்றும் 1 பவுன் நகையை மர்ம நபர்கள் திருடி சென்று விட்டனர்.

இது குறித்து வெங்கடேசன் சூரமங்கலம் போலீசில் புகார் அளித்தார். அதன்பேரில் போலீசார் வழக்கு பதிவு செய்து விசாரணை நடத்தி வருகின்றனர்.

கோவை,

கோவை கணபதிமாநகரை சேர்ந்தவர் பழனிசாமி (வயது 46). காண்டிராக்டர். இவர் சம்பவத்தன்று வீட்டை பூட்டி விட்டு தனது குடும்பத்தினருடன் சத்தியமங்கலம் சென்றார்.

இந்நிலையில், நேற்று அவரது வீட்டின் பூட்டு உடைக்கப்பட்டு இருந்ததை பக்கத்து வீட்டை சேர்ந்தவர்கள் பார்த்தனர். அவர்கள் உடனே பழனிசாமியை தொடர்பு கொண்டு தெரிவித்தனர்.இதையடுத்து சத்தியமங்கலம் சென்ற அவர் வீடு திரும்பினார். அங்கு உள்ளே சென்று பார்த்த போது, பீரோவில் இருந்த 7 பவுன் தங்க நகை மற்றும் ரூ.40 ஆயிரம் திருட்டு போயிருப்பதை கண்டு அதிர்ச்சி அடைந்தார்.

இது குறித்து அவர் சரவணம்பட்டி போலீசில் புகார் அளித்தார். இதேபோன்று கோவை காந்திமாநகரை சேர்ந்தவர் மதன்குமார் (28), சூப்பர்மார்க்கெட் கணக்காளர். இவரது வீட்டு பீரோவில் வைத்திருந்த 4 பவுன் நகைகளை காணவில்லை.

வீட்டிற்குள் புகுந்த யாரோ நகைகளை திருடி சென்று விட்டனர். இது குறித்து மதன்குமார் சரவணம்பட்டி போலீஸ் நிலையத்தில் புகார் அளித்தார். 2 பேரும் அளித்த புகாரின் பேரில், போலீசார் வழக்குப்பதிவு செய்தனர். பின்னர் அவர்களது வீடுகளுக்கு கைரேகை நிபுணர்கள் வரவழைக்கப்பட்டு அங்கு பதிவாகிருந்த கைரேகைகளை பதிவு செய்தனர்.மேலும் அந்த பகுதியில் பொருத்தப்பட்டுள்ள சி.சி.டி.வி காட்சிகளை ஆய்வு செய்து விசாரணை நடத்தி திருட்டில் ஈடுபட்ட மர்ம நபர்களை தேடி வருகின்றனர். சரவணம்பட்டியில் 2 வீடுகளில் திருட்டு நடந்த சம்பவம் அந்த பகுதியில் பரபரப்பை ஏற்படுத்தி உள்ளது.

கோவை,

கோவை ஒண்டிப்புதூர் அருகே உள்ள அன்னை இந்திரா நகரை சேர்ந்தவர் ஆனந்தகுமார் (வயது 54). இவர் அந்த பகுதியில் மளிகை கடை வைத்து நடத்தி வருகிறார்.

கடந்த 24-ந் தேதி நள்ளிரவு ஆனந்தகுமார் கிறிஸ்துமஸ் பண்டிகையை யொட்டி தனது வீட்டை பூட்டி விட்டு குடும்பத்துடன் அந்த பகுதியில் உள்ள தேவாலயத்துக்கு சென்றார். செல்லும் போது சாவியை வீட்டின் முன்பு இருந்த இரும்பு கட்டிலில் மறைத்து வைத்து விட்டு சென்றார்.

இதனை நோட்டமிட்ட யாரோ மர்மநபர் சாவியை எடுத்து கதவை திறந்து உள்ளே சென்றார். பின்னர் அவர் அறையில் இருந்த பீரோவை திறந்து அதில் இருந்த 10 பவுன் தங்க செயின், 4 கிராம் கம்மல், 2 கிராம் மோதிரம் உள்பட 10¾ பவுன் தங்க நகைகள், ரூ. 25 ஆயிரம் ரொக்க பணம் மற்றும் 2 செல்போன்கள் ஆகியவற்றை கொள்ளை யடித்து தப்பிச் சென்றனர்.

பிரார்த்தனை முடிந்ததும் ஆனந்தகுமார் வீட்டிற்கு திரும்பினார். அப்போது வீட்டின் கதவு திறந்து இருப்பது கண்டு அதிர்ச்சியடைந்தார். உள்ளே சென்று பார்த்த போது பீரோவில் இருந்த நகைகள் மற்றும் பணம் கொள்ளை போயிருப்பது தெரிய வந்தது.

இது குறித்து அவர் சிங்கா நல்லூர் போலீசில் புகார் செய்தார். புகாரின் பேரில் போலீசார் வழக்குப்பதிவு செய்து மளிகைக்க டைக்காரர் வீட்டில் நகை, பணத்தை கொள்ளையடித்து சென்ற மர்மநபரை தேடி வருகி றார்கள்.